ده‌ست پێكردنى كارى مه‌يدانى قۆناغى نوێكردنه‌وه‌ى چوارچێوه‌ى خێزانه‌ ئاواره‌كان بۆپڕۆژه‌ى تۆمارى گشتگيرى ئاواره‌كان له‌ هه‌رێمى كوردستان 

ئه‌مڕۆ 10/6/2015 ده‌سته‌ى ئامارى هه‌رێمى كوردستان له‌ رێگاى به‌ڕێوه‌به‌رايه‌تيه‌كانى ئامار له‌ هه‌رێم ده‌ستى كرد به‌ جێ به‌ جێكردنى كارى مه‌يدانى نوێكردنه‌وه‌ى چوارچێوه‌ى كاركردنى بژمێر له‌ پڕۆژه‌ى تۆمارى گشتگيرى ئاواره‌كان له‌ هه‌رێمى كوردستان .نزىكه‌ى (670)بژمێر  چوونه‌ مه‌يدان له‌ هه‌موو شارو شارۆچكه‌كان به‌ هاوكارى ده‌زگاكانى حكومه‌ت بۆتۆماركردنى خێزانه‌ ئاواره‌كان بۆ ماوه‌ى 8 رۆژدا .

جێگاى ئاماژه‌ پێكردنه‌ ئه‌م پڕۆژه‌يه‌ جێ به‌جێ ده‌كرێ له‌سه‌ر راسپارده‌ى سه‌رۆكايه‌تى ئه‌نجومه‌نى وه‌زيرانى به‌ڕێز به‌ پێى بڕياريان ژماره‌ 14 له‌ 17/8/2014  وله‌ ژێر چاودێرى به‌ڕێز وه‌زيرى پلان دانان له‌ حكومه‌تى هه‌رێم