دوا به‌دواى چالاكییه‌كانى ده‌سته‌ى ئامارى هه‌رێم به هه‌ماهه‌نگى له‌گه‌ل رێكخراوى WFP بۆ چاودێرى كردن و هه‌لسه‌نگاندنى ره‌وشى خۆراك بۆ ئاواره‌كانى نیشته‌جێبوو له كه‌مپه‌كانى هه‌رێمى كوردستان، بۆ مه‌به‌ستى رێكخستن و دانانى پلانى تازه له‌لایه‌ن رێكخراوى WFP. به‌پێى به‌رنامه‌ى تایبه‌ت به رێكخراوى WFP به هاوكارى ده‌سته‌ى ئامار له‌رێگاى به‌رێوه‌به‌رایه‌تى ئامارى پارێزگاى دهۆك بریاردراوه كارى مه‌یدانى گشتگیر بۆ هه‌لسه‌نگاندنى ره‌وشى خۆراكى ئاواره‌كانى دانیشتووى كه‌مپه‌كانى (چه‌مشكۆ، شاریار، ئیسیان) له پارێزگاى دهۆك ئه‌نجام بدرێت. له‌به‌روارى 8/9/2019 كارى مه‌یدانى ده‌ستیپێكردووه به به‌شدارى 37 فه‌رمانبه‌ر و 3 سه‌رپه‌شتیارى ناوخۆى ئامارى پارێزگاى دهۆك و تیمى هونه‌رى ده‌سته‌ى ئامار چاودێرى به‌رێوه‌چوونى كاره‌كه ده‌كه‌ن كه ماوه‌ى 13 رۆژى كاركردن ده‌خایه‌نێت جگه له‌رۆژانى هه‌ینى.
چاودێرى ره‌وشى خۆراكى ئاواره‌كان له پارێزگاى دهۆك
17 September 2019